(UTV | කොළඹ) – ලොව පුරා වෙසෙන ඉස්ලාම් බැතිමතුන් මහත් හරසරින් සමරන නබි නායක තුමන්ගේ ජන්ම දිනය සිහිපත් කෙරෙන මිලාද් උන් නබි උත්සවය අදට යෙදී තිබෙනවා.
ජනාධිපති රනිල් වික්‍රමසිංහ සුභ පැතුම් පණිවිඩයක් එක්කරමින් කියා සිටියේ නබි නායකතුමන්ගේ ජීවිතය පුරා පවත්වාගෙන ගිය මානුෂීය දර්ශණය අන් කවරදාටත් වඩා අද සුබසිද්ධියට යොදා ගැනීම තමාගේ විශ්වාසය බවයි.
එමෙන්ම, ශ්‍රී ලාංකීය සහ සමස්ත ලෝකවාසී සියලු ජාතීන්ගේද අධ්‍යාත්මික සහ සමාජීය ප්‍රගමණයට මුහම්මද් නබි නායකතුමන්ගේ උපන් දිනය හේතු වේවා යැයි ප්‍රාර්ථනා කරන බවද ජනපති එක්කල සුභ පැතුම් පණිවිඩයේ සදහන් වේ.
