(UTV | කොළඹ) – ශ්‍රී ලංකා ක්‍රිකට් ආයතනයේ වාර්ෂික ආදායමෙන් සියයට 20 ක් ක්‍රීඩා අමාත්‍යංශයට ලබාදෙන ලෙස එම අමාත්‍යංශය ඉල්ලා ඇති බව ඉතාමත් විශ්වාසකටයුතු මාර්ගයකින් දැනගන්න තිබේ.
ශ්‍රී ලංකා ක්‍රිකට් ආයතනයේ ව්‍යවස්ථාවට අනුව ආදායමෙන් එවැනි විශාල කොටසක් ක්‍රීඩා අමාත්‍යංශයට දීමේ හැකියාවක් නොමැති බවත් එසේ වුවහොත් ක්‍රිකට් ආයතනයේ සාමාජික ක්‍රීඩා සංගම්වලින් විරෝධයක් එල්ලවනු ඇති බවත් එම ආයතනය පවසා ඇති බවත් වාර්තා වේ.
කෙසේ වෙතත් ශ්‍රී ලංකා ක්‍රිකට් ආයතනය පසුගිය මාස කීපය තුළ ක්‍රීඩා අරමුදලට රුපියල් මිලියන 220 ක් හෙවත් රුපියල් කෝටි 22 ක් පරිත්‍යාග කර තිබේ.
