ස්වාධීන කොමිෂන් සභා සඳහා සාමාජිකයින් පත්කිරීම තවදුරටත් කල් යනු ඇති බව වාර්තා වෙයි.
පසුගිය සතිය තුළ ලැබී ඇති ඉල්ලුම්පත්වලට අදාළ පරීක්ෂණ කටයුතු සිදුකිරීමට සැලසුම් කර තිබුණ ද එය තවදුරටත් කල් යනු ඇති බව සඳහන් වෙයි.
ඊට ප්‍රධාන හේතුව වී ඇත්තේ කොමිෂන් සභා සඳහා අයදුම්පත් දෙදහසක් පමණ ලැබී තිබීමය.
එමෙන්ම ඇතැම් අපේක්ෂකයන් කොමිෂන් සභා කිහිපයකට අයදුම්පත්‍ර යොමු කර තිබීම ද මෙම ප්‍රමාදයට හේතු වී තිබේ.
ඇතැම් අපේෂකයින් සුදුසුකම් සපුරා නොතිබීම හේතුවෙන් එම පිරිස් වෙන වෙනම ලැයිස්තු ගත කිරීමට ද පියවර ගෙන ඇති බව පාර්ලිමේන්තු ආරංචි මාර්ග සඳහන් කළේය.
මෙම තත්ත්වයන් මත සාමාජිකයින් තෝරා ගැනීම සංකීර්ණ වී ඇති බව වාර්තා වෙයි.
