කඩවත, රාගම පාර, කඩවත ප්‍රදේශයේ පිහිටි හෝටලයක තෙවැනි මහලෙන් වැටී පුද්ගලයෙකු මියගොස් තිබේ.
ඊයේ (21) රාත්‍රී කාලයේ එම සිදුවීම වාර්තා වී ඇති බව පොලීසිය පැවසීය.
එසේ මියගොස් ඇත්තේ, 60 හැවිරිදි ඉහළ කරගහමුල, කඩවත ප්‍රදේශයේ පදිංචිකරුවෙකි.
මරණකරු එම හෝටලයේ නවාතැන්ගෙන සිය ඇති අතර එම පුද්ගලයා තනිවම මත්පැන් පානය කරමින් සිට ඇත.
ඔහු නවාතැන්ගෙන සිටි කාමරය පසුපස බැල්කනියෙන් ඇද වැටීමෙන් මරණය සිදුව ඇති බවට විමර්ශනවලදී අනාවරණය වී ඇති බව පොලීසිය පැවසීය.
සිද්ධිය සම්බන්ධයෙන් කඩවත පොලීසිය වැඩිදුර විමර්ශන සිදුකරයි.
