මැඩගස්කරයේ ක්‍රීඩාංගණයක සිදුවූ තෙරපීමකින් පුද්ගලයන් 13 දෙනෙකු මියගොස් තිබේ.
සිද්ධියෙන් තවත් පුද්ගලයන් 80 දෙනෙකු තුවාල ලබා ඇති බව විදෙස් මාධ්‍යය වාර්තා කරයි.
එරට පැවැත්වෙන ‘ඉන්දියන් ඕෂන් අයිලන්ඩ්’ ක්‍රීඩා උලෙළේ සමාරම්භක උත්සවය නැරඹීම සඳහා ඇතුළු වීමට උත්සාහ කිරිමේ දී මෙම අනතුර සිදුව ඇති බව වාර්තා වේ.
අනතුර සිදුවන විට පුද්ගලයන් 50,000කට අධික ප්‍රමාණයක් ක්‍රීඩාංගණය වෙත ඇතුළු වීමට උත්සාහ දරා ඇති බව සඳහන්ය.
