(උදයම්,කොළඹ) සමුද්‍රීය ආරක්ෂාව පිළිබඳ ශ්‍රී ලංකාව හා නෙදර්ලන්තය අතර ගිවිසුමක් අත්සන් කරයි.
මෙය විදේශ රටක් සමග සමුද්‍රීය ආරක්ෂක රාජකාරි පහසුකම් සැපයීම පිළිබඳව වන පළමු ගිවිසුම ලෙස සැලකේ.
මෙම ගිවිසුම අනුව ඉන්දියන් සාගරය ආශ්‍රිතව යාත්‍රා කරනු ලබන නෙදර්ලන්ත වෙළෙඳ නෞකා සඳහා ආරක්ෂක පහසුකම් සැපයීමේ වගකීම නාවික හමුදාවට පැවරෙණු ඇත.
ශ්‍රී ලංකා නාවික හමුදාව මේ වනවිට විදේශ සමාගම් 90 කට පමණ සමුද්‍රීය ආරක්ෂක රාජකාරි සඳහා පහසුකම් සපයන අතර වෙනත් රටක නෞකා සඳහා ආරක්ෂාව ලබාදීමට ඉදිරිපත් වූයේ පළමු වතාවටය.
ඒ අනුව ගාල්ල වරාය කේන්ද්‍ර කරගනිමින් නෙදර්ලන්ත නාවික හමුදාවේ සැහැල්ලු අවි ගබඩා කරගැනීමේ අවි ගබඩාවක්ද පවත්වාගෙන යාමට නියමිතය.
