(UTV | කොළඹ) –
මැතිවරණය පැවැත්වීම සඳහා පොලිසියෙන් කිසිදු බාධාවක් නැති බවත්, අවශ්‍ය සහාය පොලිසියෙන් ලබාදෙන බව මහජන ආරක්ෂක අමාත්‍යාංශයේ ලේකම් වියානි ගුණතිලක මහතා සඳහන් කරයි.
ජනාධිපතිවරණයේ කටයුතු සඳහා ආරක්‍ෂාවට පොලිස් නිලධාරීන් අවශ්‍ය පරිදි යොදවන ලෙස තමා මැතිවරණ කටයුතු භාර නියෝජ්‍ය පොලිස්පතිවරයාට සහ පළාත් භාර ජ්‍යෙෂ්ඨ නියෝජ්‍ය පොලිස්පතිවරුන්ට ලිඛිතව දන්වා ඇතැයි මහජන ආරක්ෂක අමාත්‍යාංශයේ ලේකම් වියානි ගුණතිලක මහතා පවසයි.
ජනාධිපතිවරණය සඳහා අවශ්‍ය පොලිස් නිළධාරින් ලබා දීමට පියවර ගන්නා බවද, මහජන ආරක්ෂක අමාත්‍යාංශයේ ලේකම්වරයා වැඩිදුරටත් සඳහන් කළේය. මහජන ආරක්ෂක අමාත්‍යාංශයේ ලෙක්ම සහ මැතිවරණ කොමිසමට සාමාජිකයන් අතර, ඊයේ (31) පැවති සාකච්ඡාවකදී මෙම කරුණු අනාවරණය විය.
