(UTV | කොළඹ) –
මැතිවරණ නීති උල්ළංඝණය කිරීම ඇතුළු විවිධ පැමිණිලි 125කට අධික සංඛ්‍යාවක් මේ වන විට ලැබී ඇතැයි මැතිවරණ කොමිසම පවසයි.
පත්වීම්, මාරුකිරීම් සහ උසස් කිරීම් සම්බන්ධ පැමිණිලි සහ ඉල්ලීම්ද ඇතුළත් බව එහි පැමිණිලි අංශයේ නිළධාරින් සඳහන් කළේ ය. මැතිවරණයට අදාළ පැමිණිලි ඉදිරිපත් කිරීමට ඇත්නම් මැතිවරණ කොමිසමෙහි ස්ථාපිත කර ඇති පැමිණිලි අංශය සම්බන්ධ කරගත හැකි බවද එම කොමිසම සඳහන් කරයි.
මෙතෙක් ලැබී ඇති පැමිණිලි අතුරින් බහුතරයක් රාජ්‍ය දේපළ අවභාවිතා කිරීම සම්බන්ධව ලැබුණු පැමිණිලි බව පැෆරල් සංවිධානය පවසයි. ප්‍රචණ්ඩ ක්‍රියා සිද්ධීන් කිසිවක් වාර්තා වී නැතැයි ද මැතිවරණ නිරීක්ෂණ සංවිධාන සඳහන් කරයි.
