(UTV | කොළඹ) –
අග්‍රාමාත්‍ය දිනේෂ් ගුණවර්ධන මහතා ප්‍රමුඛ මහජන එක්සත් පෙරමුණ ඉදිරි ජනාධිපතිවරණයේදී ජනාධිපති රනිල් වික්‍රමසිංහ මහතාට සහාය දැක්වීමට අද (31) සවස රැස්වූ එම පක්ෂයේ මධ්‍යම කාරක සභාවේදී තීරණය කර තිබේ.
ජනාධිපතිවරණයේදී රනිල් වික්‍රමසිංහ මහතාට සහය පළ කිරීමේ යෝජනාව, මහජන එක්සත් පෙරමුණේ මධ්‍යම කාරක සභාව විසින් ඒකමතිකව සම්මත කළ බව අග්‍රාමාත්‍ය දිනේෂ් ගුණවර්ධන මහතා සඳහන් කළේය.
