(UTV | කොළඹ) –
ශ්‍රී ලංකා පොදුජන පෙරමුණේ ලේකම් ලෙස කටයුතු කරන සාගර කාරියවසම් මහතා එම ධුරයෙන් ඉවත් කිරීම සඳහා වන යෝජනාවක් මාතර දිස්ත්‍රික් බල මණ්ඩලයේ දී ඒකමතිකව සම්මත කරගෙන තිබේ.
විදුලිබල හා බලශක්ති අමාත්‍ය කංචන විජේසේකර මහතා මේ බව සඳහන් කළේ, සිය ට්විටර් ගිණුමෙහි සටහනක් තබමින්. එම ධුරය සඳහා වෛද්‍ය රමේෂ් පතිරණ මහතා පත් කිරීමටයි අදාළ රැස්වීමේ දී යෝජනා කර තිබේ.
එමෙන් ම පොදුජන පෙරමුණෙන් වෙනම අපේක්ෂකයෙකු ඉදිරිපත් නොකරන ලෙසට වන යෝජනාව ද සම්මත කරගෙන තිබිණ, එමෙන් ම ඉදිරි ජනාධිපතිවරණය ස්වාධීන අපේක්ෂකයෙකු ලෙසට ඉදිරිපත් වන ජනාධිපති රනිල් වික්‍රමසිංහ මහතාට ශ්‍රී ලංකා පොදුජන පෙරමුණේ සහාය ලබා දිය යුතු බවට වන යෝජනාව ද සම්මත වූ බව සඳහන්.
අදාළ රැස්වීමට ශ්‍රී ලංකා පොදුජන පෙරමුණේ මාතර දිස්ත්‍රික් කැඳවුම්කරුවන්, පාර්ලිමේන්තු මන්ත්‍රීවරුන්, හිටපු පළාත් සභා නියෝජිතයන්, පළාත් පාලන අපේක්ෂකයින්, අනුබද්ධ සංවිධාන නියෝජිතයන් සහ ආසන සම්බන්ධීකරණ නියෝජිතයන් සහභාගී වූහ.
එහි දී ගනු ලැබූ තීරණ සියල්ල පසුගිය 02 වැනිදා හිටපු ජනාධිපති, පක්ෂ නායක මහින්ද රාජපක්ෂ මහතා වෙත ලිපියකින් දැනුම්දුන් බවයි, කංචන විජේසේකර මහතා සඳහන් කළේ.
