(UTV | කොළඹ) –
ජනාධිපතිවරණය සඳහා ස්වාධීනව තරග කරන ජනාධිපති රනිල් වික්‍රමසිංහ මහතාට සහය පළ කරන සියලු පක්ෂ අතර අවබෝධතා ගිවිසුමක් අද (16) උදෑසන කොළඹ දී අත්සන් තැබූහ.
දේශපාලන පක්ෂ සහ සන්ධාන 34 කින් සමන්විත “පුළුවන් ශ්‍රී ලංකා” සම්මුතිය අත්සන් තබනු ලැබුවේ දේශපාලන සන්ධානයක් ගොඩනැඟීම වෙනුවෙන් පමණක් නොව රටේ සහ ජනතාවගේ අනාගතය ගොඩනැඟීම වෙනුවෙන් බව “පුළුවන් ශ්‍රී ලංකා” සම්මුතියට අත්සන් තැබීමේ සමාරම්භක උත්සවය අමතමින් ජනාධිපති රනිල් වික්‍රමසිංහ මහතා සඳහන් කළේය.
