(UTV | කොළඹ) –
විපක්ෂ නායක සජිත් ප්‍රේමදාස මහතා සහ අගරදගුරු මැල්කම් කාදිනල් රංජිත් හිමිපාණන් අතර, සාකච්ඡාවක් ඊයේ (18) පැවැත්වින. පාස්කු ප්‍රහාරයේ සුලමුළ සහ සත්‍ය සොයන වැඩසටහන කිසිදු භේදයකින් තොරව ක්‍රියාත්මක කරන බවත් එම සත්‍ය කෙසේ හෝ සොයා බලා එයට සම්බන්ධ සියලු දෙනාට නීතිය හමුවේ ලබා දිය හැකි උපරිම දඩුවම් ලබා දෙන බවත් විපක්ෂ නායකවරයා එහිදී සඳහන් කළේය.
මීට පෙර ද පොරොන්දු වූ ආකාරයටම පාස්කු ප්‍රහාරයේ සැබෑ සත්‍ය අනාවරණය කරන බව ජනාධිපති අපේක්ෂක විපක්ෂ නායක සජිත් ප්‍රේමදාස මහතා පැවැසීය. ඒ පිළිබඳව කාදිනල් හිමිපාණන් සිය ප්‍රසාදය පළ කළේය. කොළඹ පදවියේ සහායක රදගුරුතුමන්ලා ද මුණගැසුන අතර, එහිදී සජිත් ප්‍රේමදාස මහතා ට ආශිර්වාද කළහ.
