(UTV | කොළඹ) –
කිසිවෙකුට විසඳිය නොහැකි යැයි පැවසු ආර්ථික අර්බුදය විසඳීමට තමන් හැකි වුවත්, නිසි ආර්ථික වැඩපිළිවෙලකින් තොරව, මෙම ආර්ථික ක්‍රියාවලිය අතරමග නතර කළහොත් යළිත් රටේ ආර්ථිකය කඩා වැටෙන බව ජනාධිපති රනිල් වික්‍රමසිංහ මහතා ප්‍රකාශ කරයි.
මෙවර ජනාධිපතිවරණයේ දී ජනතාව තම අනාගතය පිළිබඳ සිතා කටයුතු කළ යුතුව ඇතැයි, සමාජ මාධ්‍ය ජාලා ඔස්සේ ඉදිරිපත් වූ ප්‍රශ්නවලට පිළිතුරු ලබාදීමේ ”රනිල්ගෙන් අහන්න” වැඩසටහනේදී ජනාධිපතිවරයා කීවේය.
එමෙන්ම රටට ශීඝ්‍ර ආර්ථික වර්ධනයක් ළඟාකර ගැනීමට නොහැකි වූයේ දේශීය ආර්ථිකයක් ගැන කතා කරමින් ජනතා විමුක්ති පෙරමුණ වැනි පක්ෂ ගෙන ගිය මතවාද නිසා බවත්, රට හමුවේ ඇති ආර්ථික අර්බුදය විසඳීමට නම් පක්ෂ බේදයෙන් තොරව අලුතින් සිතා අලුත් වැඩපිළිවෙළකට යා යුතු බවද ජනාධිපතිවරයා සඳහන් කළේය.
