ජනාධිපතිවරණයට වියදම සඳහා තමන්ට මුදල් ලැබෙන ආකාරය ජනාධිපතිධුර අපේක්ෂක පූජ්‍ය බත්තරමුල්ලේ සීලරතන හිමියන් රජයේ ප්‍රවෘත්ති දෙපාර්තමේන්තුවේ අද (30) පැවති මාධ්‍ය හමුවකදී පැහැදිලි කළහ. .
ජනාධිපතිවරණයට ඉදිරිපත්වන අපේක්ෂකයින්ගේ ප්‍රතිපත්ති ප්‍රකාශ ඉදිරිපත් කිරීම සඳහා රජයේ ප්‍රවෘත්ති දෙපාර්තමේන්තුවේ දී එම මාධ්‍ය හමුව පැවැත්වින. එහිදී අදහස් පළ කළ බත්තරමුල්ලේ සීලරතන හිමියන් සඳහන් කළේ තම දායක පිංවතුන් සහ විදේශගත ව ජීවත්වන හිතවතුන්ගෙන් ලැබෙන මුදලින් ජනාධිපතිවරණ ප්‍රචාරක කටයුතු කරගෙන යන බවයි. එමෙන්ම මැතිවරණ කොමිෂමේ නිලධාරීන් රාජ්‍ය නිලධාරීන් ලෙස ලබාදෙන සහයෝගයට පිළිබඳවද සීලරතන හිමියයෝ කෘතඥතාව පළ කළහ.
