මියන්මාරයේ සන්නද්ධ කණ්ඩායමක් ග්‍රහණයේ පරිගණක අපරාධ සඳහා යොදවා සිටි ශ්‍රී ලාංකීය තරුණ තරුණියන් 20 දෙනෙකු ඊයේ(05) දිවයිනට පැමිණියහ.
මීට දින කිහිපයකට පෙර එම පිරිස මුදවා ගත් අතර, ජාත්‍යන්තර සරණාගතයින් පිළිබඳ සංවිධානයේ අනුග්‍රහය යටතේ, එම පිරිස තායිලන්තයේ බැංකොක් සිට ඔවුන් ශ්‍රී ලංකාවට පැමිණියහ. ශ්‍රී ලාංකික තරුණ තරුණියන් 50කට වැඩි පිරිසක් මියන්මාරයේ සන්නද්ධ කණ්ඩායමක් ග්‍රහණයේ සිටින අතර, එම පිරිස, චීන අපරාධ කණ්ඩායම් විසින් විවිධ පරිගණක අපරාධ සඳහා යොදවා ගන්නා බවට අනාවරණය වී තිබේ.
එම පිරිසෙන්, 8 දෙනෙකු මීට පෙර මුදවා ගත් අතර, තවත් 33 දෙනෙකු මියන්මාරයේ මියාවඩි නගරයේ සිට කිලෝමීටර 26 ක දුරකින් එම අපරාධ කල්ලි ග්‍රහණයේ සිටින බවට තොරතුරු අනාවරණය වී ඇතැයි විදෙස් මාධ්‍ය සඳහන් කරයි.
