ආනයනික සිමෙන්ති සඳහා පනවා ඇති සෙස් බද්ද අඩු කළ බව මුදල් අමාත්‍යාංශය සඳහන් කරයි. ආනයනික සිමෙන්ති කිලෝවකට පනවා ඇති බද්ද රුපියලකින් අඩු කර තිබේ. ඒ අනුව, කෘතිම ලෙස වර්ණ ගැන්වූ හෝ නොගැන්වූ සුදු සිමෙන්ති කිලෝග්‍රෑම් එකක් සඳහා රුපියල් 5ක් ව පැවති සෙස් බද්ද රුපියල් 4 දක්වා අඩු කර තිබේ.
කිලෝග්‍රෑම් 50 සහ ඊට අඩු ඇසුරුම්වලින් ආනයනය කරනු ලබන සිමෙන්ති සඳහා රුපියල් 8ක්ව පැවති සෙස් බද්ද රුපියල් 7 දක්වා අඩු කර තිබේ. මෙම අඩුකිරීම සැප්තැම්බර් මස 06 වනදා සිට ක්‍රියාත්මක බවද මුදල් අමාත්‍යාංශය සඳහන් කරයි.
