ශ්රී ලංකාවේ ජනාධිපතිවරණය සැප්තැම්බර් 21 වනදා පැවැත්වීමට නියමිත බැවින් ශ්රී ලංකාවට යන්නේ නම් කල්පනාකාරීව කටයුතු කරන ලෙස අමෙරිකානු රාජ්ය දෙපාර්තමේන්තුව එරට වැසියන්ට දැනුම්දී ඇතැයි විදේශීය ප්රවෘත්ති සේවා වාර්තා කරයි.
සංචාරක උපදේශයනයක් නිකුත් කරමින් එම දෙපාර්තමේන්තුව මේ බව සඳහන් කර ඇති අතර ජනතාව රැස්වන ස්ථානවලට යෑමෙන් වළකින ලෙසද ඇමරිකන් ජාතිකයන්ට උපදෙස් දී ිබේ. සැප්තැම්බර් 21 වනදා පැවැත්වෙන ජනාධිපතිවරණයට පෙර, ඒ අතරතුර සහ පශ්චාත් මැතිවරණ සමය තුළ උද්ඝෝෂණ ඇතිවීමට ඉඩකඩ පවතින බව අමෙරිකානු රාජ්ය දෙපාර්තමේන්තුව සඳහන් කරයි. මීට අමතරව සාමකාමී ජනතාව එක්රැස්වීම්, පූර්ව දැනුම්දීමකින් තොරව කලහකාරී විය හැකි බවට අනතුරු අඟවා තිබේ.
මේ අනුව ශ්රී ලංකාවේ සංචාරය කරන, ඇමරිකන් ජාතිකයන් තම ආරක්ෂා පළමු තහවුරු කරගෙන ජනතාව රැස්වන ස්ථානවලින් ඈත්ව සිටින ලෙස ඇමරිකන් රාජ්ය දෙපාර්තමේන්තුව උපදෙස් දී තිබේ.
