පසුගිය දා පැවති ජනාධිපතිවරණයට අදාළව ආදායම් සහ වියදම් වාර්තා අපේක්ෂකයින් තිදෙනෙක් බාර දී නැතැයි මැතිවරණ කොමිෂන් සභාව සඳහන් කරයි.
ජනාධිපතිවරණයට අපේක්ෂකයින් 38 දෙනාගෙන් 35 දෙනෙකු සිය වාර්තා ලබා දී ඇති අතර ඉන් තිදෙනෙක් සිය ආදායම් වියදම් වාර්තා ඉදිරිපත් කර නැත. බත්තරමුල්ලේ සීලරතන හිමි, සරත් කීර්තිරත්න , පාක්‍යසෙල්වම් අරියනේත්‍රන් යන ජනාධිපති අපේක්ෂකයින් තිදෙනා ආදායම් වියදම් වාර්තා ඉදිරිපත් කර නැත.
ජනපති අපේක්ෂකයින්ට අදාළ වියදම් වාර්තා බාරදීම සඳහා ලබාදී තිබූ කාලය ඊයේ (13) මධ්‍යම රාත්‍රියෙන් අවසන් විය.
