එළඹෙන නොවැම්බරයේ නවසීලන්ත ක්‍රිකට් කණ්ඩායමේ ශ්‍රී ලංකා තරඟ සංචාරයේ තරග කාලසටහන
නිකුත් කර තිබේ. නවසීලන්ත කණ්ඩායමේ මෙම තරඟ සංචාරයට විස්සයි විස්ස තරඟ දෙකක් සහ එක්දින තරඟ තුනක් ඇතුළත්.
තරඟාවලිය අරඹමින් පළමු 20-20 තරඟය නොවැම්බර් මස 09 වනදා පැවැත්වෙන අතර, දෙවන තරඟය
ඊට පසුදින (10) පැවැත්වීමට සැලසුම් කර තිබේ. . විස්සයි විස්ස තරඟාවලිය පැවැත් වෙන්නේ දඹුල්ල ක්‍රිකට් ක්‍රීඩාංගණයේ දීයි.
දෙරට අතර එක්දින තරඟාවලියේ පළමු තරගය නොවැම්බර් 13 වනදා දඹුල්ලේ දීම පැවැත්වෙන අතර,
දෙවන සහ තුන්වන එක්දින තරඟ පැවැත්වෙන්නේ නොවැම්බර් 17 සහ 19 යන දිනවල දීයි. එම තරඟ දෙක පල්ලෙකැලේ ජාත්‍යන්තර ක්‍රිකට් ක්‍රීඩාංගණයේ දී පැවැත්වීමට නියමිතයි.
