මෙරට බන්ධනාගාරගත සිටින්නන්ගෙන් වැඩි පිරිසක් මත්ද්‍රව්‍ය වලට ඇබ්බැහි වූවන් සහ මත්ද්‍රව්‍ය අළෙවි කරන්නන් බව බන්ධනාගාර කොමසාරිස් ජගත් වීරසිංහ ප්‍රකාශ කරයි. එය ප්‍රතිශතයක් ලෙස සියයට 65% ක් පමණ වන බව ද හෙතෙම සඳහන් කරයි.
මෙරට බන්ධනාගාර 36ක් තිබෙන අතර, එහි රැඳවිය හැක්කේ 12,000ක පමණ පිරිසක්. එහෙත් දැනට එම බන්ධනාගාර තුළ 29,000ක් පමණ රඳවා සිටිති. බන්ධනාගාරවල ගත කරන්නේ කටුක දුෂ්කර ජීවිතයක්. කිසිවෙක් බන්ධනාගාරගත විය යුතු නැහැ. ඒ සඳහා පාසල් දරුවන්ගේ සිට දැනුවත් කිරීමේ වැඩසටහන් දියත් කර තිබෙනවා. වැරදි නොකරන සමාජයක් නිර්මාණය කිරීමට පුරවැසියන් ලෙස කටයුතු කළ යුතුයි.
