මෙරටට ආනයනය කරන ලද ප්‍රමිතියෙන් තොර පොල්තෙල් වර්ග හේතුවෙන් ඉදිරියේදී රට තුළ පිළිකා රැල්ලක් ඇති විය හැකි බව මහජන සෞඛ්‍ය පරීක්ෂකවරු අනතුරු අඟවති.
ශ්‍රී ලංකාවේ ඇති රසායනාගාරවල, පොල්තෙල් වල ගුණාත්මකභාවය සහ අන්තර්ගතය පිළිබඳ පරික්ෂා කිරීමට ප්‍රමාණවත් පහසුකම් නොමැති නොමැති බවද, මහජන සෞඛ්‍ය පරීක්ෂකවරු සඳහන් කරති. මෙරට වෙළෙඳපොළේ විකිණීමට ඇති තෙල් වර්ගවල දුර්ගන්ධය ඉවත් කිරීමට හා පිරිසිදු කිරීමට භාවිත කරන රසායනික ද්‍රව්‍ය පිළිකා ඇති කිරීමට සෘජුවම බලපාන බවද මහජන සෞඛ්‍ය පරීක්ෂකවරු පෙන්වා දෙති.
