පාර්ලිමේන්තු මැතිවරණයට අදාළව ඡන්ද විමසීමේ කටයුතු අද (14) පෙරවරු 7:00 ට ආරම්භ කෙරුණ අතර, උදෑසන 09 වන විට සියයට 20%ක පමණ ප්‍රතිශතයක් ඡන්දය භාවිතා කර තිබූ බව මැතිවරණ නිරීක්ෂකයන් සඳහන් කරති. දිවයින පුරා පිහිටි ඡන්ද මධ්‍යස්ථාන 13,421ක දී පස්වරු 4.00 දක්වා ඡන්ද විමසීම පැවැත්වේ.
ඡන්දය ප්‍රකාශ කිරීමේ කටයුතු මේ වන විට සාමකාමීව සිදුවන බව සඳහන්. කෙසේ නමුත් එක්තරා දේශපාලන කණ්ඩායමක් මැතිවරණ නීති උල්ලංඝනය කරමින්, සමාජ මාධ්‍ය ඔස්සේ නිහඬ කාලය තුළ මැතිවරණ ප්‍රචාරණයේ නිරත වෙමින් සිටින බව අනාවරණය වී ඇතැයි මැතිවරණ නිරීක්ෂකයින් සඳහන් කරති.
