ජාත්‍යන්තර මූල්‍ය අරමුදල පසුගිය 17 වැනිදා ලෝක ආර්ථික ඉදිරි දැක්ම පිළිබඳ වාර්තාව යාවත්කාලීන කළේය. ඒ අනුව 2025 වසරේ ගෝලීය ආර්ථික වර්ධන පුරෝකථනය 3.3% වන අතර එය පසුගිය වසරේ ඔක්තෝබර් මාසයේ පුරෝකථනයට වඩා 0.1% කින් ඉහළ නංවා ඇත.
2025 වසරේ ඇමරිකානු ආර්ථිකය 2.7% කින් සහ යුරෝ කලාපයේ ආර්ථිකය 1% කින් වර්ධනය වනු ඇතැයි වාර්තාව පුරෝකථනය කරයි. ඒ අතරම, 2025 වසරේ නැගී එන වෙළඳපල ආර්ථිකයන් සඳහා ජාත්‍යන්තර මූල්‍ය අරමුදල සිය ආර්ථික වර්ධන පුරෝකථනය 4.2% හි පවත්වා තිබේ.
ජාත්‍යන්තර මූල්‍ය අරමුදල විසින් 2025 වසරේ චීන ආර්ථික වර්ධන පුරෝකථනය ද 4.6% දක්වා ඉහළ නැංවීය. එය පසුගිය වසරේ ඔක්තෝම්බර් මාසයේදී පුරෝකථනය කළ ප්‍රතිශත අගයට වඩා 0.1% කින් වැඩි විය.
ඒ සමගම ඇතැම් රටවල ආර්ථික ප්‍රතිපත්තිවල පවතින අවිනිශ්චිතභාවය ලෝක ආර්ථික ප්‍රවණතාවයට බලපානු ඇතැයි ජාත්‍යන්තර මූල්‍ය අරමුදල අනතුරු අඟවා තිබේ.
