පාර්ලිමේන්තු මන්ත්‍රී රාමනාදන් අර්ජුනා මහතා මාර්ගයේ රථවාහන හැසිරවීමේ නිරත වෙමින් සිටි පොලිස් නිලධාරීන් පිරිසක් සමග අනුරාධපුර රබෑව ප්‍රදේශයේදී මත ගැටුමක් ඇතිකරගෙන තිබෙන බවට වාර්තාවේ. ඒයට අදාළ වීඩියෝවක් ද සමාජ මාධ්‍ය තුළ සංසරණය වෙමින් තිබේ.
මන්ත්‍රීවරයා ගමන් කළ වාහනයේ නිත්‍යානුකූල නොවන ආකාරයේ විදුලි පහන් දල්වාගෙන අනෙක් වාහනවලට බාධාවන ලෙස ධාවනය කළේ යැයි කියමින් පොලිසිය විසින් එම වාහනය නවත්වා ඇත.
නමුත් එහිදී මන්ත්‍රීවරයා පවසන්නේ තම රාජකාරිය පොලිසියේ රාජකාරී වලට වඩා වැදගත් බවත් ඒ එනිසා තමන්ට තමන්ගේ වාහනය පොලිසියට නැවැත්විය නොහැකි බවයි.
මන්ත්‍රීවරයා රාජකාරියේ යෙදී සිටි පොලිස් නිලධාරීන් සමඟ මත ගැටුමක් ඇති කර ගෙන ඇති අතර පොලිස් නිලධාරීන් මන්ත්‍රීවරයාගේ හැඳුනුම්පත ඉල්ලා ඇතත් ඔහු එය ප්‍රතික්ෂේප කර තිබේ. දෙපාර්ශ්වය අතර මත ගැටුමක් ඇතිවී තිබේ.
