ප්‍රවාහන නාවික හා වරාය කටයුතු අමාත්‍යාංශයේ ලේකම්වරයා විසින් තමන්ට අතිරේක ලේකම් ධුරයේ රාජකාරී කිරීමට බාධා කර මූලික අයිතිවාසිකම් කඩ කරන බව පවසමින් ශ්‍රේෂ්ඨාධිකරණය හමුවේ මූලික අයිතිවාසිකම් පෙත්සමක් ගොනු කර ඇත.
මෙම මූලික අයිතිවාසිකම් පෙත්සම ගොනුකර ඇත්තේ ජ්‍යෙෂ්ඨ පරිපාලන නිලධාරි ඩබ්.එස්. සත්‍යානන්ද මහතා විසිනි. මෙම පෙත්සමේ වගඋත්තරකරුවන් ලෙස, අමාත්‍යාංශ ලේකම්වරයා ඇතුළු පහළොස් දෙනෙකු නම්කර තිබේ.
ජනාධිපතිවරයෙන් පසු තමන් රාජ්‍ය පරිපාලන සංචිතයට මාරුකර යවා ඇති බවත් ඉන් තමන්ගේ මූලික අයිතිවාසිකම් කඩවී ඇති බවත් සඳහන් කරන ඔහු මෙම පෙත්සම විභාගයට ගෙන තමන්ට තනතුරේ රාජකාර කිරීමට බාධා කිරීම වළකාලන අතුරු නියෝගයක් නිකුත් කරන ලෙසද ඉල්ලා සිටි.
සත්‍යානන්ද මහතා බද්දේගම ප්‍රාදේශීය ලේකම්වරයා ලෙසත්, ගම්පහ දිස්ත්‍රික් ලේකම් ලෙසත්, නාගරික සංවර්ධන අමාත්‍යාංශය ලේකම්වරයා ලෙසත්, තවත් අමාත්‍යාංශ ගණනාවක ලේකම්වරයෙක් ලෙසත් කටයුතු කර ඇති ජ්‍යෙෂ්ඨ පරිපාලන නිලධාරියෙකි.
