ශ්‍රී ලංකාවේ ස්විට්සර්ලන්ත තානාපති ගරු ආචාර්ය සිරි වෝල්ට් මහත්මිය සහ ශ්‍රී ලංකා පාර්ලිමේන්තුවේ කතානායක වෛද්‍ය ජගත් වික්‍රමරත්න මහතා අතර, හමුවක් පාර්ලිමේන්තු සංකීර්ණයේ දී පසුගිය දා පැවැත්වින.
විවිධ අංශවලින් ස්විට්සර්ලන්තය ශ්‍රී ලංකාවට ලබා දුන් සහයෝගය පිළිබඳව මෙහිදී කථානායකවරයා සිය කෘතඥතාව පළ කළ අතර, ආර්ථික සංවර්ධනය, දූෂණ විරෝධී පියවර, සංහිඳියාව සහ පාර්ලිමේන්තු සහයෝගීතාව වැඩි දියුණු කිරීම ඇතුළු ද්විපාර්ශ්වික සබඳතා පිළිබඳව මෙහිදී දේපාර්ශ්වය අතර සාකච්ඡා කෙරිණ.
ස්විට්සර්ලන්ත තානාපතිනිය විසින් දෙරට අතර අඛණ්ඩ සහයෝගීතාවයේ වැදගත්කම අවධාරණය කළ අතර ඉදිරි කාලය තුළදී ද ශ්‍රී ලංකාවට තවදුරටත් සහාය දැක්වීමට ස්විට්සර්ලන්තය අපේක්ෂා කරන බව අවධාරණය ක‍ළාය.
