කතරගම නාවික හමුදා සංචාරක බංගලාවේ අද උදෑසන ගෘහස්ථ LP ගෑස් සිලින්ඩරයක් පුපුරා යාමෙන් පුද්ගලයින් දෙදෙනෙකු තුවාල ලබා ඇති බව පොලිසිය පවසයි. තුවාල ලබා ඇත්තේ මාතර කැකුණදුර පදිංචි 32 හැවිරිදි කාන්තාවක් සහ 36 හැවිරිදි පිරිමියෙකි.
ඔවුන් උදෑසන ආහාරය පිළියෙළ කරමින් සිටියදී ගෑස් සිලින්ඩරය පුපුරා ගොස් ඇති අතර තුවාලකරුවන් කතරගම ප්‍රාදේශීය රෝහලට ඇතුළත් කිරීමෙන් පසු වැඩිදුර ප්‍රතිකාර සඳහා දෙබරවැව රෝහලට මාරු කර යවා තිබේ.
