නව රජයේ ප්‍රතිපත්තිය යටතේ ඉදිරි කාලයේදී සුළං හා සූර්ය විදුලි බලාගාර වලට අහිතකර බව හිටපු පාර්ලිමේන්තු මන්ත්‍රී චම්පික රණවක මහතා සඳහන් කරයි. මාධ්‍ය හමුවකදී අදහස් පළ කරමින් හිටපු අමාත්‍යවරයා මේ බව පැවසුවේය.
සුළං බලාගාර, සූර්ය බලාගාර සහ කුඩා ජල විදුලි බලාගාරවල විදුලි උත්පාදනය සීමා කිරීම සඳහා ලංකා විදුලි බල මණ්ඩලයෙන් මේ වන විටත් කමිටුවක් පත් කර ඇති බවත් ඔහු කියා සිටී.
ඒ අනුව ඉදිරි කාලයේදී මෙම බලාගාර වල විදුලි ඒකකයකට ගෙවන ගාස්තු ආදිය හරහා ඒවා අධෛර්යයට පත් කිරීමේ ක්‍රියාවලියක් ආරම්භ වෙනු ඇති බවත් ඔහු පෙන්වා දෙයි. ඒ අනුව නැවත වතාවක් ගල් අඟුරු මාෆියාව හා ඩීසල් මාෆියාවේ පිරිස් විසින් විදුලි සැපයීමේ බලය අත්පත් කරගෙන ඇති බව පෙනී යන බවත් හෙතෙම කියා සිටියේය.
