ජනාධිපති මාධ්ය උපදේශක ලෙස චන්දන සූරියබණ්ඩාර, ජනාධිපති මාධ්ය අධ්යක්ෂ ජනරාල් ලෙස ප්රසන්න පෙරේරා” ජනාධිපති මාධ්ය අංශයේ, ජාත්යන්තර මාධ්ය සහ උපායමාර්ගික සන්නිවේදන අධ්යක්ෂ ලෙස අනුරුද්ධ ලොකුහපුආරච්චි යන මහත්වරු පත් කර තිබේ.
ඔවුන්ට අදාළ පත්වීම් ලිපි අද (24) පස්වරුවේ ජනාධිපති කාර්යාලයේදී ජනාධිපති ලේකම් ආචාර්ය නන්දික සනත් කුමානායක මහතා ලබාදුන්නේය.
ප්රවීණ මාධ්යවේදියෙක් වන චන්දන සූරියබණ්ඩාර මහතා වසර 30කට අධික කාලයක් ශ්රී ලංකාවේ මාධ්ය ක්ෂේත්රයේ සුවිශේෂී කාර්යභාරයක් ඉටු කර ඇති අතර මාධ්ය ක්ෂේත්රය පිළිබඳ ප්රාමාණික දැනුමක් සහිත විශිෂ්ට සන්නිවේදකයෙකු ලෙසද ප්රෙක්ෂක හදවත් දිනා ගෙන තිබෙන ඔහු ලේඛකයෙකුද වෙයි.
පේරාදෙණිය විශ්වවිද්යාලයෙන් ශාස්ත්රවේදි උපාධියද, ශ්රී ජයවර්ධනපුර විශ්වවිද්යාලයෙන් සන්නිවේදන පශ්චාත් උපාධි ඩිප්ලෝමාවද ලබා ඇති ප්රසන්න පෙරේරා මහතා කැලණිය විශ්වවිද්යාලයෙන් ජනසන්නිවේදන පශ්චාත් උපාධිය ලබාගෙන තිබේ.
දේශීය ජනමාධ්ය ඡායාරූපකරණයේ කැපී පෙනෙන මෙහෙවරක් ඉටු කළ අනුරුද්ධ ලොකුහපුආරච්චි මහතා ජාත්යන්තර රොයිටර් ප්රවෘත්ති සේවයේ දශක දෙකකට ආසන්න කාලයක් සේවය කරමින් ඩිජිටල් ඡායාරූපකරණය මෙරට පුවත්පත් කලාවට හඳුන්වා දුන්නේය. ඔහු ඡායාරූපකරණය සහ ඩිජිටල් ඡායාරූපකරණය පිළිබඳ ගෞරව උපාධිධාරියෙකි.
