බෙරගල හමුදා කඳවුරේ, 88/89 කාලයේ ගෝනි බිල්ලා ලෙස කටයුතු කළ පුද්ගලයා අද, ආණ්ඩුවේ අමාත්‍යවරයෙක් ලෙස කටයුතු කරන බව පාර්ලිමේන්තු මන්ත්‍රී චාමර සම්පත් දසනායක මහතා සඳහා සඳහන් කරයි.
එම පුද්ගලයා අද ආණ්ඩුවේ ඉදිරිපෙළ අමාත්‍යවරයකු ලෙස සිටින බවද කී ඔහු තමන් ඔහුගේ නම නොකියන බවත් සමාජ ජාලාවල එය පළවනු ඇති බවත් කියා සිටියේය.
බටලන්ද යෝජනාව පාර්ලිමේන්තුවේ විවාද කිරීමෙන් රටේ ජනතාවට කිසිවක් ලැබෙන්නේ නැහැ. කාලය අපතේ යෑමක්. 88/89 වසරේ මිය ගිය 60,000 වෙනුවෙන් පිං අනුමෝදන් කරන්නවත් මේ ආණ්ඩුව කටයුතු කළේ නැහැ. එම කාලයේ මියගිය අයගේ පවුල්වල අයට කිසිදු දෙයක් මේ ආණ්ඩුව කළේ නැහැ යැයි ද කීවේය.
පාර්ලිමේන්තුවේ බටලන්ද කොමිෂන් සභා වාර්තාව පිළිබඳව වන විවාදයේදී ඒ චාමර සම්පත් මහතා එම අදහස් පළ කළේය
