(උදයම්,චීනය ) – නැගෙනහිර චීනයේ බාලාංශ පාසලක සිදුවූ පිපිරීම අපරාධයක් සේ සළකා පරීක්ෂණ ආරම්භ කර තිබේ.
ඊයේ වාර්තාවූ මෙම පිපිරීමෙන් පුද්ගලයන් අට දෙනෙකු ජීවිතක්ෂයට පත් වූ අතර, 65 කට ආසන්න පිරිසක් තුවාල ලැබු බව චීන පොලීසිය ප්‍රකාශ කළේය.
පාසලේ ගේට්ටුව අසළ සිදුවූ එම පිපිරීමෙන් ළමයින්ට හෝ ගුරුවරුන්ට හානියක් සිදු නොවූ බව එම පාසල පිහිටි ෆෙන්ෂියැං ප්‍රාන්ත බලධාරීන් කියා සිටියේය.
සිද්ධිය සම්බන්ධයෙන් එක් සැකකරුවෙකු අත්අඩංගුවට ගෙන ඇත.
