(උදයම්,කොළඹ) – දෙමටගොඩ මාර්ගයක ගමන් කරමින් තිබූ මෝටර් රථයක් අද (22) අලුයම හදිසියේ ගිනි ගැනීමකට ලක්ව ඇති බව පොලිසිය පවසයි.
ගින්නෙන් එම කාර් රථය මුළුමුනින්ම විනාශ වී ඇත
දෙමටගොඩ පොලිස් වසමේ දෙමටගොඩ පාර, ශාන්ත අන්තෝනි මාවත දේවස්ථානයක් අසල මාර්ගයකදී මෙම ගිනි ගැනීම සිදු ව තිබේ.
මෙම ගින්න හේතුවෙන් ඒ අසල තිබූ තවත් කාර් රථයකට හා වෑන් රථයකට ගිනි ඇවිලි අලාභ හානි සිදු විය.
කෙසේවෙතත් දෙමටගොඩ පොලිසිය මේ පිළිබඳව වැඩි දුර විමර්ශන කටයුතු සිදු කරයි.
