(UTV|කොළඹ) – ගසක් කඩා වැටීමෙන් අවහිර වී ඇති කැලණිවැලි දුම්රිය මාර්ගයේ දුම්රිය ධාවනය යතා තත්ත්වයට පත් කිරීමට තව පැය කිහිපයක් ගත වනු ඇති බව පාලක මැදිරිය පවසයි.
ඊයේ රාත්රි කාලයේ මරදාන සහ බේස්ලයින් දුම්රිය ස්ථාන අතර කැලණිවැලි දුම්රිය මාර්ගයට ගසක් කඩා වැටීමෙන් දුම්රිය ගමනා ගමනයට බාධා ඇති විය.
නමුත් ගස ඉවත් කිරීම අපදා කළමනාකරණ ඒකකයෙන් සිදු කල යුතු අතර එය මේ වන තෙක් ආරම්භ කර නොමැති බව වාර්තාවේ.
මේ නිසා ගස ඉවත් කිරීමට යෑමෙන් අවට නිවාසවලට හානියක් සිදු වෙනු ඇති බව විශ්වාස කෙරේ.
ඒ අනුව දෙමටගොඩ සිට කොටුව දක්වා ධාවනය වන දුම්රිය මේ නිසා ගමන් කිරීමට නොහැකි තත්ත්වයක් ඇතිව තිබේ.
