(UTV| බදුල්ල) – බදුල්ල සුජාතා විද්‍යාලයට පිටුපසින් බදුලුඔයට පිවිසිය හැකි අඩි පාරේ තිබි මැදිවියේ පුද්ගලයෙකුගේ මළ සිරුරක් අද(26) දහවල් හමුවූ බව බදුල්ල පොලිසිය පවසයි.
එම ස්ථානයේ සිට මිටර් 50 ක් පමණ දුරින් යාම්පානම් වත්ත පළමු පටුමගේ තිබී මරණකරුගේ යැයි සැකකරන රබර් සෙරෙප්පු දෙකක්ක හා හිස්වැසුමක්ද සොයාගත් බව පොලිසිය සඳහන් කරයි.
සැකකටයුතු මරණයක් සේ සලකා විමර්ශන සිදුකරන බවද පොලිසිය පවසයි.
බදුල්ල පොලිස් අධිකාරි ධම්මික වීරසේකර මහතාගේ උපදෙස් මත බදුල්ල මූලස්ථාන ප්‍රධාන පොලිස් පරීක්ෂක විපුල තෙන්නකෝන් මහතාගේ මෙහෙයවීමෙන් වැඩිදුර විමර්ශන සිදුකරයි.
[alert color=”faebcc” icon=”fa-commenting”] රටේ ලෝකයේ සිදු වන සිදුවීම් එසැණින් දැන ගන්න UTV alerts සක්‍රීය කරගන්න.[textmarker color=”8a6d3b”] UTV alerts සක්‍රීය කිරීමට .REG <හිස්තැනක් > utv ලෙස සටහන් කර 77000 ට [/textmarker] යොමුකිරීමෙන් මෙම උණුසුම් පුවත් ඔබට දැන් ලබා ගත හැක [/alert]
