(UTV|යාපනය) – ඩිංගි යාත්‍රාවක් සමග පුද්ගලයින් 7 දෙනෙකු නාවික හමුදා භාරයට තිබේ.
ඒ උතුරු මුහුදේ යාත්‍රා කරමින් තිබියදීය. මෙම පිරිස නීතිවිරෝධී සංක්‍රමණිකයින් බවට සැක කෙරේ.
කන්කසන්තුරයට උතුරු දෙසින් වූ මුහුදු ප්‍රදේශයේ සැකකටයුතු ඩිංගි යාත්‍රාවක් යාත්‍රා කරන බව නාවික හමුදාව නිරීක්ෂණය කර තිබේ.
පසුව ඒ දෙසට නාවික හමුදා වේග ප්‍රහාරක යාත්‍රාවක් පිටත් කර යැවිමට කටයුතු කළ බව නාවික හමුදාව පවසයි.
ඒ අනුව කළ වැටලීමේදී නිති විරෝධී ලෙස මුහුදු මාර්ග ඔස්සේ ඉන්දියාවේ සිට මෙරටට පුද්ගලයින් ප්‍රවාහනය කරමින් සිටි පුද්ගලයින් දෙදෙනෙකු හා එහි ගමන් කරමින් සිටි පුද්ගලයින් 5 දෙනෙකු අත්අඩංගුවට ගත් බව නාවික හමුදාව සඳහන් කළේ ය.
මෙම පුද්ගලයින් සහ ඩිංගි යාත්‍රාව ඉදිරි පරීක්ෂණ සඳහා කන්කසන්තුරේ පොලීසිය වෙත භාර දී ඇත.
[alert color=”faebcc” icon=”fa-commenting”] රටේ ලෝකයේ සිදු වන සිදුවීම් එසැණින් දැන ගන්න UTV alerts සක්‍රීය කරගන්න.[textmarker color=”8a6d3b”] UTV alerts සක්‍රීය කිරීමට .REG <හිස්තැනක් > utv ලෙස සටහන් කර 77000 ට [/textmarker] යොමුකිරීමෙන් මෙම උණුසුම් පුවත් ඔබට දැන් ලබා ගත හැක [/alert]
