UTV | COLOMBO – කිරිඳිවැල පොලිස් වසමේ මැද්දේගම මහා මාර්ගයේ පෙරේදා (01 දා* පස්වරු 4ට පමණ සිදුවූ ති‍්‍රරෝදරථ අනතුරකින් ති‍්‍රරෝදය පැදවූ රියැදුරුගේ බිරිඳ හා දියණිය එම ස්ථානයේම මිය ගොස් ඇත.
මෙසේ මියගොස් ඇත්තේ මැද්දේගම , නාවැටිය, එගොඩවත්තේ පදිංචිව සිටි ශ‍්‍රීයානි රාජපක්ෂ (37* සහ ඇයගේ දියණිය වන 2 වැනි ශ්‍රේණියේ අධ්‍යාපනය ලබන පද්මිණී මධුෂා (07* දැරියයි. ඔවුන් එම ස්ථානයේම මිය ගොස් ඇත. එදින පෙරවරුවේ ඔවුන්ගේ මීගොඩ ප්රදේශයේ පදිංචි රෝගීවී සිටි ඥාතියකු බැලීමට ගොස් එන අතරතුරදී මෙම අනතුර සිදුවී ඇත. මෙම අවස්ථාවේ දැරිය මව තුරුළේ නිදාගෙන සිට ඇත. එහිදී ති‍්‍රරෝද රථයේ එක් රෝදයක් කාණුවකට වැටීමෙන් අනතුරුව ඉදිරියේ වු දුරකථන කණුවක ගැටී පසුව අසල වූ තාප්පයක
ගැටී තිබේ. ඒ අවස්ථාවේ මව හා දරුවා ත‍්‍රිරෝදයෙන් විසිවී තාප්පයේ ගැටී ඇත. මෙම අවස්ථාවේ මෙම දෙදෙනාම මිය ගොස් ඇති අතර රියදුරු වන ජානක පුෂ්ප කුමාර කිරිඳිවැල පොලිසිය මගින් අත්අඩංගුවට ගෙන තිබේ.
ගම්පහ ජ්‍යෙෂ්ඨ පොලිස් අධිකාරී මුදිත පුස්සැල්ල මහතාගේ උපදෙස් පරිදි කිරිඳිවැල පොලිස් ස්ථානාධිපති පොලිස් පරීක්ෂක ලයනල් සේනානායක මහතා ඇතුළු රථවාහන අංශයේ නිලධාරීහු පරීක්ෂණ කරගෙන යති.
මෘත ශරීර දෙක වතුපිටිවල රජයේ රෝහලට ගෙන ගොස් ඇති අතර පශ්චාත් මරණ පරීක්ෂණය එම රෝහලේදී සිදු කිරීමට නියමිතය.
