(UTV | කොළඹ) – ඊයේ (31) මෙරටින් වාර්තා වූ කොවිඩ් ආසාදිතයන් 239 න් වැඩිම පිරිස කොළඹ දිස්ත්‍රික්කයෙන් බව කොවිඩ් 19 වැළැක්වීමේ ජාතික ක්‍රියාන්විත මධ්‍යස්ථානය සඳහන් කරයි.
එම සංඛ්‍යාව 86 ක්. රත්නපුර දිස්ත්‍රික්කයෙන් 28 ක්ද , ගම්පහින් 21 ක්ද , කලුතරින් 20 ක්ද ලෙස ඊයේ දිනයේදි ආසාදිතයන් වාර්තා වී තිබුණි.
මීට අමතරව වව්නියාවෙන් ආසාදිතයන් 11 ක් , කෑගල්ලෙන් 10 ක් සහ ගාල්ල දිස්ත්‍රික්කයෙන් කොවිඩ් ආසාදිතයන් 04 ක් ඊයේ වාර්තා වූ බව ද කොවිඞ් 19 වැළැක්වීමේ ජාතික ක්‍රියාන්විත මධ්‍යස්ථානය සඳහන් කළේය.
එමෙන්ම නිරෝධායන මධ්‍යස්ථානවල සිටි 59 දෙනෙකුද ඊයේ දිනය තුළ කොරෝනා රෝගීන් බවට තහවුරු කර ගැණුනි.
