(UTV | කොළඹ) – කොරෝනා ව්‍යාප්තිය හේතුවෙන් ජාත්‍යන්තර මුහුදේදී ඉන්දීය ධීවරයින් සමග සබඳතා පැවැත්වීමෙන් වළකින්නැයි ධීවර දෙපාර්තමේන්තුව උතුරේ ධීවරයින්ගෙන් ඉල්ලීමක් කර තිබේ.
ගනුදෙනු සහ භාණ්ඩ හුවමාරු සිදු නොකරන ලෙසට ද ධීවරයින්ගෙන් ඉල්ලා සිටින බව ධීවර දෙපාර්තමේන්තුවේ මෙහෙයුම් අධ්‍යක්ෂ කල්‍යාණි හේවාපතිරණ මහත්මිය සඳහන් කළේය.
කහ වැනි නීති විරෝධී භාණ්ඩ ගෙන ඒමෙන් වළකින ලෙස ද එම දෙපාර්තමේන්තුව දැනුම් දෙයි.
සෞඛ්‍ය ආරක්ෂිතව ධීවර කටයුතුවල යෙදීමෙන් කොරෝනා අවදානමෙන් මෙරට ධීවරයින් ආරක්ෂා කිරීමට හැකි බව ධීවර දෙපාර්තමේන්තුව පවසයි.
