(UTV | කොළඹ) – හිටපු ජනාධිපති ගෝඨාභය රාජපක්ෂ ශ්‍රී ලංකාවට ආපසු පැමිණීමට මෙය සුදුසු කාලය නොවන බව ජනාධිපති රනිල් වික්‍රමසිංහ සඳහන් කරයි.
රොයිටර් පුවත් සේවය වෙත අදහස් පළ කරමින් ජනාධිපතිවරයා මේ බව ප්‍රකාශ කරයි.
ගෝඨාභය රාජපක්ෂ මේ මොහොතේ ආපසු ශ්‍රී ලංකාවට පැමිණිය හොත් රට තුළ දේශපාලන ආතතියන් තව දුරටත් වර්ධනය වීමට එය හේතු විය හැකි බව ජනාධිපතිවරයා පවසයි.
හිටපු ජනාධිපති ගෝඨාභය රාජපක්ෂ නැවත පැමිණෙන බවට කිසිදු තොරතුරක් තමන්ට ලබා දී නැති බව වැඩිදුරටත් අදහස් දක්වමින් ජනාධිපතිවරයා පවසයි.
